يلعن امكــ كلمه منتشره عند كثير من المجتمعـآآت..

الســـلام عليكم ورحمة الله وبركاته ،،


هل تلاحظون ان كلمة يلعن امك ..


انتشرت انتشار غريب ومريب ..
وصار اللي يقولها عااادي ..
كانه قائل السلام عليكم .. أستغفر الله
والاغرب ان اللي تنقال له برضوو عـادي عنده ؟ كيف وليش ..


بعض الشباب الحين بالعكس صارت عندهم يلعن امك مدحه !!
مثلا يجي واحد يقول والله امس سويت كذا وسويت كذا ..
يجي الثاني يلعن امك ياشيخ !!
واذا قاله يلعن امك مـد هاالخشم شبرين كنه قائله شعر يمدحه ..


ولا بعض الشباب ..!! واحد يسال ثاني ..!! وش رايك باللاعب الفلاني ..!!
يقول يلعن اممممممممممه يلعـب من جد !
طيب قولي وش دخل امه بالموضوع ..!!
للاسف الشديد ان الكلمه هذي منتشرة عندنا انتشار كبير ..


والان حاصلة مع الشباب في جلساتهم ..


د: وينك امس يلعن امك ..
خ : ابد رحت مع فلان الله يلعن امه ..
د: ليه ماقلتلي انك بتروح معه الله يلعن امك انت وياه ..
خ: وش دراني انك بتروح يلعن امك .


ولا كنه صار شي ...................... !؟


للاسف انها تقريبا اكثر كلمه تنقال هالايام ..
وكم واحده اسألها عن هالكلمه تقول صارت عاده ..
هذا رد ابيخ من الفعل ..
مافيه شي تتعود عليه وانت تدري انه مو زين ولا تقدر تخليه ..


واللي يقهر انه يلعن امه ويضحك <<قمه النرفزه





وش رايكم وش الحل لـهذه الكلمة الخطيرة ..!!


وهل تعلمووووووون مدى إثم هذه العبارة التي قد تهوي بكم


إلى نار جهنم أعاذنا الله منها ؟


ياليت انكم تشاركوني فالموضوع خطييييير


ليش مافيه تقدير واحترام للأم ......!!